Mutane 20 ne ake fargabar sun mutu a hatsarin kwale-kwale a jihar Benuwe

Sama da mutane 20 ne rahotanni suka ce sun mutu a daren Asabar a wani hatsarin kwale-kwale a lokacin da suke tsallakawa kogin Benue a karamar hukumar Agatu ta jihar Benue.

Kamar yadda majiyarmu a yankin ta bayyana, yawancin wadanda abin ya shafa ‘yan kasuwa ne da kuma ‘yan asalin Agatu daga jihar Nasarawa da ke komawa gida bayan sun yi ciniki a kasuwar Ocholonya da ke karamar hukumar Agatu.

Da yake bayyana lamarin, wani ganau ya ce, “Wadanda abin ya shafa sun kasance ‘yan Agatu ne daga kananan hukumomin Toto da Doma a Jihar Nasarawa wadanda suka zo kasuwar Ocholonya ranar Asabar.

“Suna wucewa Odenyi a Nasarawa bayan kasuwa. Ina cikin Ijaha misalin karfe 8 na dare. a lokacin da na ji mata suna kuka da kururuwa cewa kwale-kwalen da ke dauke da ’yan kasuwar zuwa gefen kogin Nasarawa ya nutse kafin ya isa gaci.

Labarai Masu Alaka

Za mu ceto arewa ne idan matasa suka karbi shugabanci – Bafarawa

“Kwalan na katako ya yi lodi fiye da kima, kuma duk da gargadin da aka yi cewa wasu fasinjojin su sauka, ba a yi watsi da rokon da suke yi ba domin suna gaggawar komawa gida.

Ana tsakiyar tafiya ne kwale-kwalen ya balle bayan ya bugi wata bishiya, lamarin da ya sa da yawa daga cikin fasinjojin suka nutse.

“Masu nutsewa a cikin gida sun kwato wasu gawarwaki, amma da yawa sun bace. Masu ruwa da tsaki na ci gaba da neman wadanda suka tsira da rayukansu.

Jaridar VANGUARD NEWS ta rawaito cewa Wannan karshen mako ne mai ban tausayi ga al’ummar Agatu a jihohin Binuwai da Nasarawa domin dukkanmu al’umma daya ne.”

Da yake tabbatar da faruwar lamarin, shugaban karamar hukumar Agatu, Mista Melvin Ejeh, ya bayyana cewa kawo yanzu an gano gawarwaki kusan 20, kuma ana ci gaba da aikin ceto.

Ya ce, “Wadanda aka kashe din dai ‘yan kasuwar Agatu ne ‘yan kasuwar Odadu, da Rukubi, da Agbashi, da Ajima, da sauran al’ummomi a Jihar Nasarawa. Sun zo kasuwar Ocholonya ne don yin kasuwanci kuma suna kan hanyarsu ta dawowa ne a lokacin da abin ya faru.

“Na tuntubi shugabannin kananan hukumomin Toto da Doma a Jihar Nasarawa, kuma muna aiki tare a kan wannan lamarin.

Na kuma tuntubi rundunar sojojin ruwan Najeriya domin neman taimako. Ya zuwa yanzu, an gano gawarwaki kimanin 20, kuma ana ci gaba da neman karin wadanda suka tsira da rayukansu da wadanda abin ya shafa.”