Nasarar APC a jihar Ondo ku tafi kotu idan baku gamsu ba, Tinubu ya gayawa PDP da sauran jam’iyyu
Shugaba Bola Tinubu ya bukaci ‘yan takarar da ba su gamsu da sakamakon zaben gwamnan jihar Ondo da su yi la’akari da damar da tsarin shari’a ya ba su na neman gyara.
Shugaba Tinubu wanda ya taya Gwamna Lucky Aiyedatiwa na jam’iyyar APC, ya kuma yaba da yadda aka gudanar da aikin cikin lumana.
Shugaban ya taya sauran ‘yan takara na jam’iyyun siyasa 17 murna bisa hikima da sanin makamar da suka nuna a lokacin yakin neman zabe da zaben, inda ya danganta nasarar zaben ga wayewar jihar.
Bayo Onanuga, mai bawa shugaban kasa shawara na musamman kan yada labarai da dabaru, a cikin wata sanarwa daya fitar, ya bukaci ‘yan siyasa da su kyale yadda suke gudanar da ayyukansu da tsare-tsare bayan zabe.
Sanarwar ta kara da cewa wadanda ba su gamsu da sakamakon zaben ba, za su iya bin diddigin damar da tsarin shari’a ya bayar na neman gyara a wuraren da ake rikici.
Shugaba Tinubu ya yi imanin cewa zaben jihar Ondo wani babban gwaji ne na hukumar zabe mai zaman kanta, yana mai tabbatar da cewa hukumar zabe ta tabbatar da amincewar jama’a da shirin tun farko, da tura ma’aikata da kayan aiki, da kuma yadda ake tafiyar da harkokin zabe.
Shugaban ya kuma yabawa INEC bisa yadda ta yi ta dora sama da kashi 98 na sakamakon zabe a rana guda.
Shugaban ya mika godiyar sa ga rundunar ‘yan sandan Najeriya, jami’an tsaron farin kaya na kasa, hukumar kiyaye hadurra ta tarayya, masu yi wa kasa hidima, sojoji da sauran jami’an tsaro bisa kwarewa da suka nuna wajen wanzar da zaman lafiya.
