Tinubu ya naɗa sakatarorin dindindin 8 a gwamnatin sa
Tinubu ya naɗa sakatarorin dindindin 8
Shugaban kasa Bola Ahmed Tinubu ya nada sabbin sakatarorin dindindin guda takwas a ma’aikatan gwamnatin tarayya domin cike guraben da ake da su a wasu jihohi da shiyyoyin siyasa.
Wannan shi ne karo na biyu na sakatarorin dindindin guda takwas da shugaban ya nada, bayan nadin da aka yi a watan Yuni daga Akwa Ibom, Anambra, Bauchi, Jigawa, Ondo, Zamfara, Kudu maso Gabas da kuma Kudu maso Kudu.
Bayo Onanuga, mai ba shugaban kasa shawara na musamman kan yada labarai da dabaru a cikin wata sanarwa ya ce, ofishin shugaban ma’aikatan gwamnatin tarayya ya ba da shawarar a nada sabbin sakatarorin dindindin bayan an zabge su.
Daily trust ta ruwaito cewar Onanuga ya bayyana sunayen wadanda aka nada kamar yadda Onwusoro Maduka Ihemelandu (jihar Abia), Ndiomu Ebiogeh Philip (jihar Bayelsa), Anuma Ogbonnaya Nlia (jihar Ebonyi), Ogbodo Chinasa Nnam (jihar Enugu), Kalba Danjuma Usman (jihar Gombe), Usman Salihu. Aminu (jihar Kebbi), Oyekunle Patience Nwakuso (Jihar Rivers) da Nadungu Gagare (jihar Kaduna).
Shugaban ya bukaci sabbin sakatarorin dindindin da su nuna himma da kwazo da kirkire-kirkire wajen yi wa kasa hidima.
Labarai masu alaƙa
Majalisar zartarwar Najeriya ta amince da kasafin kudin Najeriya tiriliyan 47.9
Majalisar zartarwar Najeriya ta amince da kasafin kudi na 2025, wanda shugaba Tinubu zai gabatar.
Da yake jawabi jim kaɗan bayan kammala taron majaliar zartarwa a fadar shugaban Najeriya, a yau Litinin, ministan kasafin kuɗi, Atiku Bagudu, ya ce kasafin kudi na 2025, an yi hasasshen za a kashe kusan naira tiriliyon 48. BBC Hausa.
Ministan ya ec an yi kasasfin kudi din ne kan farashin gangar mai dallar Amurka 75, tare da samar da gana sama da miliyan biyu duk rana, yayin aka yi hasashen farashin dalar Amurka kan naira 1,400. Kasafin kudi.
Minitan ya ce kuma an yi hasashen kuɗin shigar ƙasar kan kusan naira tiriliyon 35 na kasafin kudi.
Akwai alamun dake nuna cewa shugaba Tinubu ba zai gabatar da kasafin kudi a gaban Majalisar Dokokin ƙasar a gobe Talata ba kamar yadda aka tsara tunda farko. Kasafin kudi..
Ministan yaɗa labaran ƙasar Muhammed Idris ya ce shugabannin majalissun da ɓangaren zartarwa na aiki tare domin samar da ranar da za a gabatar da ƙudurin.
Tinubu ya jagoranci zaman majalisar zantarwa ta tarayya yanzu haka a Abuja
A halin yanzu dai shugaba Bola Ahmed Tinubu ne ke jagorantar taron majalisar zartarwa ta tarayya a fadar shugaban kasa dake Abuja.
Taron wanda ake sa ran zai kasance FEC na karshe a shekarar 2024, yana gabanin gabatar da kudirin kasafin kudin shekarar 2025 da Shugaba Tinubu ya gabatar a ranar Talata.
Daga cikin wadanda suka halarci taron akwai sakataren gwamnatin tarayya, Sanata George Akume; Shugaban ma’aikatan fadar shugaban kasa, Mista Femi Gbajabiamila; Shugabar Sabis na Tarayya, Misis Didi Walson-Jack; da kuma mai baiwa kasa shawara kan harkokin tsaro, Mallam Nuhu Ribadu.
Haka kuma akwai mambobin majalisar ministoci da suka hada da Ministoci da ministocin kasa.
Taron FEC na karshe, wanda aka gudanar kimanin wata daya da ya gabata, ya amince da tsarin kashe kudi na matsakaicin wa’adi na Najeriya na shekarar 2025-2027 (MTEF), wanda ya hada da kasafin kudin shekarar 2025 na Naira Tiriliyan 47.9.
Shirin ya kunshi sabbin rancen Naira Tiriliyan 9.22 don samar da gibin da aka samu, inda farashin mai ya kai dala 75 ga kowacce ganga, inda ake hako ganga miliyan 2.06 a kullum, da kuma farashin canjin ₦1,400 zuwa dala.
Mataimakin shugaban kasa, Sanata Kashim Shettima, wanda yanzu haka yake kasar Saudiyya don gudanar da karamin aikin hajji, bai halarci taron ba.
Shugaba Bola Tinubu, shi ne ke jagorantar taron koli na shugabannin kasashen kungiyar ECOWAS karo na 66 a babban dakin taro na Old Banquet Hall dake fadar shugaban kasa, Abuja.
Ana sa ran zaman da ake ci gaba da yi zai mayar da hankali ne kan inganta dunkulewar tattalin arzikin yankin da tabbatar da zaman lafiyar hukumomi da dai sauransu.
Wannan taron ya gudana ne a cikin matsalolin yankin, bayan sanarwar Burkina Faso, Mali, da Nijar sun yanke shawarar ficewa daga ECOWAS. ‘Wakokina za su sa ka sayi kayan gado’ – Ironha, wanda ya dauki shaho lokacin da gobara ta kone shagon sa na Yaba0:00 / 1:00
Kasashe uku na baya-bayan nan, wadanda ba su halarci taron da ake yi ba, kuma a karkashin mulkin soja, sun hada kai a karkashin kungiyar kawancen kasashen Sahel (AES), ta yin amfani da wannan sabon dandali wajen gyara alakarsu da kungiyar kasashen yankin. Wannan daidaitawar yana haifar da tambayoyi game da matsayinsu na gaba a yammacin Afirka.
Babban taron koli na 66 zai kuma yi nazari kan takunkumin da kungiyar ta kakaba wa kasashe uku na AES bayan juyin mulkin da sojoji suka yi a baya-bayan nan, da nufin daidaita kokarin diflomasiyya tare da azamarta na inganta dimokuradiyya.
Ana kuma sa ran taron zai tattauna batutuwa masu muhimmanci da suka hada da magance yawaitar ayyukan ta’addanci a yankin Sahel da kuma tabarbarewar siyasa a kasashe mambobin kungiyar.
Taron dai zai tattauna kan gaggauta amincewa da kungiyar ta ECO, da shirin samar da kudin bai daya na ECOWAS, da kuma karfafa kasuwanci tsakanin kasashe mambobin kungiyar.
Shugabannin kasashen yankin za su kuma yi nazari kan ci gaban da aka samu a kasashen da ke karkashin mulkin soja, tare da mai da hankali kan gajeren mika mulki ga farar hula.
A yayin taron na karshe, shugaba Tinubu ya nada shugaban kasar Senegal Bassirou Diomaye Faye na Senegal da ya shiga tsakani tsakanin ECOWAS da kasashen Nijar, Mali da Burkina Faso.
Ana kuma sa ran gabatar da rahoton na Shugaba Faye a gaban shugabannin ECOWAS.
Sauran batutuwan da suka taso a yayin taron majalisar ministocin kungiyar ECOWAS da ake sa ran za a tattauna a yayin taron.
Shugabannin kasashen sun hada da biyan kudaden harajin al’umma da kasashe mambobin kungiyar ke yi da kuma aiwatar da tsarin labura kasuwanci na ECOWAS wanda ya kunshi zirga-zirgar mutane da kayayyaki ba tare da izini ba.
Idan dai ba a manta ba, shugaba Tinubu ya samu sabon wa’adin shugabancin kananan hukumomin a babban taro karo na 65 tare da sake zabensa a matsayin shugaba.
Kasashen da suka halarci taron sun hada da Jamhuriyar Benin, Cape Verde, Cote d’Ivoire, Gambia, Ghana, Guinea, Guinea-Bissau, Laberiya, Najeriya, Senegal, Saliyo da Togo.
