Ministoci 2 sun halarci taron bai wa matasa 1000 tallafi a Kano

Ministoci biyu na Gwamnatin Shugaba Bola Ahmed Tinubu, tare da tawagar APC, sun isa Jihar Kano, domin halartar taron bai wa matasa da mata 1,000 tallafi.

 

Ministar Harkokin Mata, Imaan Sulaiman, da Ministan Ci gaban Matasa, Ayodele Olawande, sun halarci taron ne, domin shaida bai wa matasa 1000 tallafi na Naira 50,000, a cewar jaridar trust radio. 

Mamba a Kwamitin Gudanarwa na Kwalejin Ilimi (FCT), Potiskum, Yobe, Nasir Bala Ja’oji, ya shirya bayar da tallafi ga matasan.

Wannan dai ba shi ne karon farko da Ja’oji ke bai wa matasa da mata tallafi ba.

A watan Satumban 2024, ya tallafi kimanin mutum 484 tallafi na kuɗi.

A rabon tallafi ga matasan, mutum huɗu, sun amfana da Naira miliyan ɗaya kowannensu, yayin da mutum 200 suka samu Naira 100,000 kowanne.

Har ila yau, mutum 100 sun samu Naira 50,000 kowanne, wasu kuma 100 sun samu Naira 20,000 kowanne daga tallafi na kudin.

Haka kuma yabayar da tallafi ga mutum 30 sun samu babura, yayin da 50 suka samu keken ɗinki.

Da ta ke jawabi a wajen taron, Ministar Harkokin Mata, Imaan Sulaiman, ta bayyana cewa wannan tsari ya nuna karfin haɗin kai da jajircewa wajen bayar da tallafi wa mata da ci gabansu.

“Yayin da muke murnar bayar da tallafi wa matasa da mata 1,000 a yau, muna tunatar da kanmu cewa har yanzu akwai aiki da yawa a gaba.

“Duk da haka, tare da jagoranci da hangen nesan Shugaba Tinubu, muna da ƙwarin gwiwar cewa Najeriya za ta ci gaba da samun nasarori wajen ganin ya  tallafi mata.

“Ina yaba wa Honarabul Ja’oji saboda ƙoƙarinsa wajen tallafi wa matasa da mata. Shirinsa na wannan tallafi yana nuna kishinsa wajen bai wa mata damar cin gajiyat tattalin arziƙin ƙasa.”

Ta ƙara da cewa ma’aikatarta a shirye ta ke don yin aiki tare da Ja’oji da sauran masu ruwa da tsaki don ci gaban mata.

A nasa ɓangaren, Ministan Ci gaban Matasa, Ayodele Olawande, ya yaba wa Ja’oji saboda tallafa wa matasa.

Ya ce irin wannan shiri ya dace da manufofin gwamnatin Shugaba Tinubu na tallafa wa matasa.

“Mun yi imanin cewa tare da haɗin gwiwa, za mu iya gina kyakkyawar makoma ga matasan Najeriya. Ma’aikatarmu tana jajircewa wajen tallafa wa shirye-shiryen da ke inganta ci gaban matasa, kasuwanci, da ƙirƙire-ƙirƙire.

“Irin wannan ƙoƙari abin koyi ne ga duk wanda ke sha’awar samar da ci gaba. Muna fatan cewa dukkanninmu za mu haɗa kai don ganin cewa matasa suna samun dama mai kyau don cimma burinsu.”

Tun da farko, Nasir Bala Ja’oji, ya bayyana cewa wannan taro wani ɓangare ne, na burinsa na tallafa wa matasa da mata don ci gaba da goyon bayan gwamnatin Shugaba Bola Ahmed Tinubu.

Ina farin cikin sanar da ku cewa, a baya-bayan nan na bayar da tallafin Naira miliyan 88 ga gamayyar matasan APC na Kano don ƙara wa wannan ƙoƙari armashi. Burina shi ne ci gaba da bai wa shugaban ƙasa gudunmawa don cimma manufofinsa.

“Mun tsara wannan shiri ne domin rage raɗaɗin matsalolin tattalin arziƙi da ake fuskanta. Ta hanyar tallafa wa matasa da mata, ba wai kawai muna inganta rayuwarsu ba ne, har ma muna bayar da gudunmawa ga ci gaban ƙasa.”

Daga cikin waɗanda suka halarci taron akwai shugaban jam’iyyar APC na Kano, Abdullahi Abbas, Daraktan Cibiyar Samun Nasara ta Ƙasa, Baffa Babba Danagundi, da sauransu.

Gwamman Yobe ya bada tallafin Naira biliyan 2.9 ga wadanda ambaliyar ruwa ya shafa

Gwamnan jihar Yobe Hon. Mai Mala Buni ya kaddamar da bayar da tallafin Naira biliyan 2.9 don tallafawa wadanda ambaliyar ruwa ta shafa, marasa galihu, da masu kananan sana’o’i a jihar.

Gwamna Hon Buni, a lokacin da yake kaddamar da rabon kudaden, ya ce shirye-shiryen tallafin da gwamnatin jihar Yobe ke yi, na da nufin karfafawa ‘yan kasa, da sake farfado da fata, da kuma karfafa karfinsu domin tunkarar mummunan bala’in ambaliyar ruwa na 2024.

Gwamnatin jihar ta bayar da tallafin Naira 50,000 zuwa 25,500 wadanda ambaliyar ruwa ta shafa da marasa galihu da kuma N100,000 zuwa 15,000 kanana ‘yan kasuwa.

A cewarsa, jihar Yobe ta sami ambaliyar ruwa da ba a taba ganin irinta ba a bana, inda ta raba al’ummomi 441 a fadin kananan hukumomi 17 da ke fadin jihar sannan ta shafi gidaje sama da 20,000 tare da mutuwar mutane 34.

Labarai Masu Alaka

Akalla yan sanda 4,449 ne suka kai karar sufeto bisa jinkirin kara musu girma

Ya ce ambaliya ta katse babbar hanyar Damaturu zuwa Bayamari a wurare hudu daban-daban: Kariyari, Jumbam, Koromari, da Bayamari, yayin da titin tarayya ta Damaturu zuwa Buni ya tafi tsakanin Katarko da garin Gujba.

“Hakazalika, an datse hanyar Potiskum zuwa Garin Alkali a Tarajim, sannan an wanke hanyar Gaidam zuwa Bukarti a Mozagun.

Ya kara da cewa gwamnatin jihar ta kuma aiwatar da irin wannan aikin a kan hanyar Gadaka zuwa Godowoli da Dogon Kuka zuwa Daura.

An kuma lalata gine-ginen jama’a, gidajen mutane, gonaki da dabbobi, da sauransu.

Buni ya ce tun da farko gwamnatin jihar Yobe tare da goyon bayan gwamnatin tarayya da kuma sauran kungiyoyin raya kasa sun raba kayan abinci da na abinci da kuma tsabar kudi miliyan 100 na agajin gaggawa ga wadanda abin ya shafa a kananan hukumomin da abin ya shafa.

Ya nanata kudurin gwamnatinsa na shirin Renewed Hope Initiative, wanda ke da nufin samar da karin tallafi ga mata, nakasassu, tsofaffi, da sauran mutane masu rauni.

YANZU YANZU: Majalisar Dattijai ta kafa wani kwamitin don magance matsalolin dake cikin kudirin haraji 2024

Majalisar dattawa ta kafa wani kwamiti karkashin jagorancin shugaban marasa rinjaye, Sanata Abba Moro (PDP, Benue ta Kudu) don magance matsalolin da ke tattare da batun sake fasalin haraji tare da gabatar da rahoto ga kwamitin baki daya kafin a saurari kudirin.

Daily trust tace, Mataimakin shugaban majalisar dattawa, Barau I Jibrin ne ya sanar da hakan yayin zaman majalisar a ranar Laraba.

Barau wanda ya jagoranci zaman majalisar ya ce an tabka cece-kuce a kan kudirorin, inda ya ce kwamitin ya rataya a wuyan tuntubar babban lauyan gwamnatin tarayya (AGF) da bangaren zartarwa da sauran masu ruwa da tsaki.

A ranar 3 ga Oktoba, 2024 ne shugaban kasa Bola Ahmed Tinubu ya mikawa majalisar dokokin kasar wasu kudirori hudu na sake fasalin haraji a cikin wata wasika da shugaban majalisar dattawa, Godswill Akpabio, da kakakin majalisar wakilai, Hon Tajuddeen Abbas, suka karanta a zauren majalisar. dakunan biyu.

Tinubu ya ce kudirin haraji zai karfafa hukumomin kasafin kudin Najeriya, inda ya kara da cewa sun yi daidai da manyan manufofin gwamnatinsa na ci gaban kasar.

Sai dai ‘yan Najeriya da suka hada da gwamnoni da sarakunan gargajiya da kungiyoyin farar hula da wasu ‘yan majalisar tarayya da sauransu sun yi fatali da kudirin haraji.

Barau ya kuma bayyana sunayen Sanata Titus Zam (APC, Benue North West), Orjir Uzor Kalu (Abia North), Sani Musa (APC, Niger East), Abdullahi Yahaha (Kebbi North) da dai sauransu a matsayin mambobin kwamitin.

Haraji, haraji, haraji, haraji, haraji, haraji.

A janye kudurorin dokar haraji Tinubu —Sanatocin Arewa 2024

Sanatocin Arewa sun nemi a janye sabbin kudurorin dokar haraji da Tinubu ya mika wa majalisar

Sanatoci daga yankin Arewa sun bukaci a majalisar ta dakatar da aiki kan sabbin kudurorin haraji masu cike da rudani wanda majalisar ta kammala karatun farko a kansa, kamar yadda trust radio ta rawaito.

Sun nemi hakan ne bayan wani zama a ranar Litinin, ida suka bayyana cewa kudurorin dokar haraji na dauke da wasu tanade-tanade da ke barazanar talauta yankin Arewa.

Sanata Buba Umaru Shehu ya sanar cewa sanatocin Arewa daga duk jam’iyyu sun bukaci sun yi ittifakin cewa a dakatar da duk wani aiki a kan  kudurorin hudu masu cike da rudani a kudirin haraji.

Dan majalisar ya ce “Kudurorin na da sarkakiya don haka akai bukatar masana dokokin haraji su yi masa karatu a tsanake,” saboda rashin yin kyakkyawan nazari kan lamarin zai haifar da mummunar illa a nan gaba a dokar haraji.

Sanata Buba, wanda ya soki yadda ake gaggawar aiki a kan kudurorin cikin ’yan kwanaki kalilan, ya shaida wa Sashen Hausa na BBC cewa ba su amince da tanadin kudurorin game da tsarin rabon haraji na sayen kayayyaki (VAT) ba, saboda sun lura cewa yankin Arewa zai cutu.

Sun cim-ma wannan matsaya ne bayan a karshen mako Majalisar Wakilai ta sanar da dakatar da tattawa kan kudurorin dokokin haraji da ke ta shan suka da jawo muhawara, tun bayan da Shugaban Kasa Bola inubu ya gabatar da su.

A nasa bangaren, Sanata Ali Ndume, ya ce zaman da sanatocin Arewa suka yi da gwamnoni da sauran shugabannin yankin, ya amince a janye kudurorin, a fadada tuntuba da neman shawarwari a kansu.

Ndume ya bayyana fatan gabatar da kudurinsu na neman janye batun dokokin haraji a gaban majalisar dattawa a ranar Laraba.

A cewarsa, matakin nasu ya yi daidai da shawarar majalisasr tattalin arziki ta kasa da majalisar sarakuna, kuma nan gaba majalisun dokokin jihohin Arewa za su sanar da adawarsu ga kuduurorin na haraji.

Dan majalisar ya kuma yi nuni da cewa wasu tanade-tanaden kudurorin haraji sun ci karo da kundin tsarin mulkin Najeriya don haka babu yadda za a yi aiki da su.

Idan an tuna, bayan kammala karatun farko, Majalisar Dattawa ta tura kudurorin ga kwamitin kudade domin nazarin sa, kafin daga bisani su gabatar da shi domin jin ta bakin jama’ar kasa da kuma kwararru.

Masu sukan kuduorin da suka hada da gwamnoni da sarakuna da ’yan majalisa daga yankin Arewa sun jima da neman shugaban kasan ya janye kudurin nasa, ya bari a fadada tuntuba da jin ra’ayoyin jama’a a kai, amma ya nemi majalisa ta ci gaba da aiki a kai.

Kungiyar gammayar ’yan Arewa (CNG) ta bakin shugabanta, Jamilu Charanchi, ta yi zargin cewa dokar za ta kara jefa al’ummar Arewa cikin karin kunci, baya ga wanda suke fama da shi na talauci da yunwa da rashin aikin yi da suaransu.

Shugaban kasa dai ya bukaci Ma’aikatar Shari’a ta yi aiki tare da Majalisa da sauran masu ruwa da tsaki domin yin gyare-gyare da inda aka gano matsaloli a kudurorin dokar.

Da yake tsokaci kan lamarin, ministan yada labarai, Mohammed Idris, ya bayyana cewa wasu abubuwan da ake yadawa musamman zargin neman talauta Arewa, ba sa cikin kudurorin, yana mai kira ga masu bayyana ra’ayi kan lamarin da su yi adalci kuma cikin mutunta juna.