Karancin abinci mai gina jiki na ci gaba da yin barazana ga lafiyan miliyoyin yara.
A cewar UNICEF yara miliyan 2.8 a jihohin Borno,Adamawa,Yobe da ke Arewa maso Gabashin Najeriya ‘yan kasa da shekaru biyar, tare da mata masu juna biyu da masu shayarwa, na bukatar agajin abinci na gaggawa.
Kimanin mutane miliyan 1.7 a duk faɗin jihohin suna fuskantar barazanar rashin abinci mai gina jiki a shelatan 2024.
Har ila yau, shirin kula da abinci mai gina jiki da samar da abinci na shekarar 2023 zagaye na 13 da aka gudanar a fadin jihohin , an kiyasta cewa matsalar karancin abinci mai gina jiki a duniya (GAM) tsakanin yara ‘yan kasa da shekaru 5 a Borno ya kai kashi 10.2 bisa dari, kashi 8.0 a Yobe da kuma kashi 4.0 kashi dari a Adamawa.
Wannan kuma yana nufin cewa kimanin yara 511,807 ‘yan kasa da shekaru biyar suna fama da matsananciyar rashin abinci mai gina jiki a duk shekara, suna buƙatar taimakon gaggawa don ceton rayuwarsu.
Duk da haka, a cikin waɗannan ƙididdiga masu banƙyama, bege na haskakawa a cikin ƙananan al’ummomi inda mata ke neman sauyi. Daya daga cikin irin wadannan al’ummomi ita ce Layin Jere da ke Jihar Borno, inda ake gudanar da ayyukan tun daga tushe na mata masu zaburarwa irin su Misis Usaina Abba Ibrahim.
UNICEF wadda ta horar da ita, Usaina tana kan gaba a wani kamfen da nufin sauya tsarin abinci mai gina jiki a cikin al’ummarta
