Hukumar ƴan sanda ta kama Jami’an ta da ke kare masu aikata laifukan Intanet– Sufeton ƴan sanda

Babban sufeto janar na ‘yan sandan Najeriya Kayode Egbetokun, a ranar ltinin ya yi tsokaci kan yadda wasu jami’an ‘yan sandan da ake zargi da tsare wani gida da jami’ansu suka kama wasu masu satar bayanai daga kasashen waje suna gudanar da ayyukansu acikin Najeriya ba bisa ka’ida ba.

Babban sufeton ‘yan sandan ya kuma bayyana cewa an kama jami’an, kuma za a gurfanar da su gaban shari’a saboda bata sunan rundunar da yunkurin bata sunan hukumar ta ƴan sanda.

Egbetokun ya bayyana haka ne a Abuja yayin da yake zan tawa da ‘yan jarida bayan wani babban taro da aka yi da dukkan shugabannin sassan daban daban na hukumar kan bincike.

Daily trust ta ruwaito a makon da ya gabata cewa rundunar ta bakin mai magana da yawunta Olumuyiwa Adejobi ta sanar da kama wasu mutane 130 da ake zargi da aikata manyan laifuka ta yanar gizo da satar bayanai da kuma ayyukan da ke barazana ga tsaron kasa.

Adejobi, wani jami’in ASP, ya bayyana cewa, kungiyar ta kunshi ‘yan kasashen waje 113 da suka hada da maza 87 da mata 26, musamman daga kasashen China da Malaysia da kuma ‘yan Najeriya 17 da suka hada kai.

Da yake amsa tambayar wakilinmu a wajen taron, shugaban ‘yan sandan ya ce jami’an ‘yan sandan da aka kama suna tsare a halin yanzu yayin da bincike ke ci gaba da gano dalilin da ya sa suke gudanar da ayyukansu ba bisa ka’ida ba.

“Kuma kasancewar an ga wasu ‘yan sanda suna kare wadannan ‘yan kasashen waje. Eh gaskiya ne. Kuma an kama ‘yan sandan. Mun gano cewa ‘yan sandan sun yi aikin ba bisa ka’ida ba. Babu wanda ya tura su. Ba a tura su da kyau don wannan aikin ba,” Egbetokun ya ce.

Ya kuma jaddada cewa an kuma yi wa kwamandojin nasu tambayoyi kuma sun yi watsi da su, yana mai shan alwashin cewa za a hukunta duk wani jami’in ‘yan sandan da ke kare baki ‘yan kasashen waje da ke ɗaukar bayanan sirri.

Ya kara da cewa, “Na yi bayanin cewa wadannan rakiyar ‘yan sandan ba hukumar ‘yan sanda ce ta tura su a hukumance ba, amma an same su suna gudanar da ayyukansu ba bisa ka’ida ba.

“Kuma tuni aka same su suna yi wa ‘yan kasashen waje rakiya. Tuni dai a hannunmu, kwamandojin rundunoninsu sun musanta cewa ba su aike su ba. Don haka, sun kasance suna gudanar da ayyukan da ba bisa ka’ida ba, kuma za a yi maganinsu yadda ya kamata.”

Sai dai ya bayyana cewa akwai daidaikun jama’a musamman ma’aikatan kwadago da manyan ‘yan kasuwa da suka cancanci ‘yan sanda su ba su kariya.

Ya ce, “Wasu daga cikin wadannan ‘yan sandan da kuke gani suna da alaka da mutanen da ba su cancanci kariya daga ‘yan sanda ba a zahiri hukumar ‘yan sanda ce ta tura su a hukumance.

“An tsince wasu daga cikinsu akan tituna. Kuma mun riga mun magance hakan. Kwanan nan na ba da sanarwar cewa duk inda irin wannan ta faru, za a binciko dan sandan daga inda ya fito, kuma za a tuhumi kwamandansa ko mai kula da shi.”