Halin da dimokuradiyyar ƙasar nan ke ciki akwai gyara – Obi
Dan takarar shugaban kasa na jam’iyyar Labour a zaben 2023 Peter Obi ya bayyana damuwarsa kan halin da dimokuradiyya ke ciki a Najeriya, inda ya bayyana cewa sai koma baya ake samu.
Da yake jawabi a wajen wani gangamin yakin neman zaben dan takarar gwamna na jam’iyyar a Akure, jihar Ondo, Sola Ebiseni, Obi ya soki salon shugabancin kasar nan, inda ya nuna karuwar talauci, cin hanci da rashawa, da rashin tsaro.
Obi ya yi kira da a hada karfi da karfe don sake gina Najeriya, tare da bayar da shawarar samar da ingantacciyar kasa da samar da ayyukan zamantakewa kamar ilimi da kiwon lafiya. Ya bukaci masu kada kuri’a da su yi watsi da sayen kuri’u tare da mai da hankali kan zaben shugabannin da suka kuduri aniyar kawo sauyi na gaskiya.
“Dimokradiyyar wahala da muke gani a yau ta koma siyasar rikon kwarya,” in ji Obi. Ya kuma jaddada bukatar canjawa daga tattalin arzikin da ake amfani da shi zuwa mai da hankali kan samar da ayyukan yi da rage talauci.
Ebiseni, dan takarar jam’iyyar Labour, ya bayyana irin nasarorin da jam’iyyarsa ta samu a Ondo, inda ya bayyana ayyukan da tsohon Gwamna Olusegun Mimiko ya yi a zamanin mulkinsa. Ya ce jam’iyyar LP ita ce hanya mafi dacewa don ciyar da jihar gaba.
Ebiseni dai zai fafata da gwamna mai ci Lucky Aiyedatiwa na jam’iyyar APC, Agboola Ajayi na jam’iyyar PDP, da wasu ‘yan takara 14 a zabe mai zuwa.
