Gwmanatin Kano ta rufe kamfanonin Ɗantata da Mangal 2024

Gwmanatin Kano ta rufe kamfanin jiragen sama na Max Air mallakin surukin Kwankwaso da kamfanin Ɗantata kan taurin bashin kuɗaɗen haraji

Gwmanatin Kano ta rufe babban Ofishin Kamfanin Gine-gine na Ɗantata & Dawowa kan taurin bashin kudin haraji.

Kazalika Hukumar Tara Kuɗaɗen Shiga ta Jihar Kano (KIRS) ta rufe hedikwatar kamfanin jiragen sama na Max Air da kuma kamfanin shinkafa na Northern Rice a Oil Mill, kan rashin biyan haraji.

Daraktan Kula da Basuka na Hukumar, Ibrahim Abdullahi ya ce bayan samun umarnin kotu ne aka rufe kamfanonin.

Ya ce an rufe kamfanin Ɗantata & Sawoe mallakin hamshaƙin attajirin Kano, Alhaji Aminu Ɗantata ne kan bashin harajin albashi (PAYE) na shekara biyu (2021-2022) da ya kai Naira miliyan 241.

Trust radio ta rawaito cewa Kamfanin Max Air, mallakin Alhaji Sagiru Barau Manual babban attajirin Jihar Kastina — kuma surukin uban gidan gwamnan Kano mai ci Sanata Rabiu Musa Kwankwaso — kuma an rufe shi ne kan taurin bashin harajin shekara biyar (2017 zuwa 2022).

Jami’in ya ce an rufe kamfanonin ne bayan an yi ta rubuta musu takardu su biya kuɗaɗen ba tare da nasara ba.

Ya ce dukkansu za su ci gaba kasancewa a rufe har sai sun biya kuɗaɗen, yana mai cewa yin hakan ya zama dole domin tabbatar da ba sa ƙwarar jihar a kuɗaɗen harajinta domin samar da ayyukan cigaban al’ummar.

Ɓarayi sun sace injinan jan ruwa na kimanin Naira miliyan 1 da sauran kayayyaki a makarantar firamare a Kano

Wasu ɓatagari  da ba a san ko su waye ba na ta aikata sace-sace a makarantar firamare ta Yalwa Model, da ke karamar hukumar Dala a jihar Kano, inda su ka sace kayayyaki masu muhimmanci da masu tsada na miliyoyin naira.

Da ya ke bayani ga manema labarai a Kano a yau Litinin, shugaban makarantar, Malam Umar Aliyu, ya ce wannan al’amari ya faru ne a cikin kankanin lokaci tun lokacin da aka tura shi makarantar a matsayin shugaban makaranta kwanan nan.

A cewarsa, batagarin sun yi amfani da gajeruwar katangar da ke kewaye da makarantar don

Ya baiyana cewa ɓarayin sun yi awon-gaba da injinan jan ruwa guda biyu da farashin ko wanne ya kai Naira dubu 500, inda aya kara da cewa wasu ƙungiyoyin taimakon al’umma ne su ka kawo makarantar

Labarai Masu Alaka

ANZU-YANZU: Tinubu ya soke aikin gyaran hanyar Abuja, Kaduna, Zaria zuwa Kano

“Hakazalika sun haura ofishi na kuma da su ka ga babu abin da za su iya sata, sai suka cire duk wayoyin da ke ofishina suka shiga ɗakin kwamfutoci ta rufin. A nan ne suka saci kaya masu amfani.

“Sun kuma yi ƙoƙarin sace janaretan mu babba, amma saboda nauyinsa, muna tsammanin hakan ne ya sa ba su iya ɗauka ba, sai suka cire wayoyin kwayil din sa su ka ta gudu.”

Ali ya kuma koka kan rashin tsaron da ya dace a makarantar, inda ya bayyana cewa masu tsaron da ke akwai tsofaffi ne.

Ya yi kira ga gwamnatin jihar da ta ɗauki matakan gaggawa ta samar da matasa masu ƙarfin jiki don tsaron makarantar.

Gwmanatin Kano ta rufe kamfanonin Ɗantata da Mangal

Gwmanatin Kano ta rufe kamfanin jiragen sama na Max Air mallakin surukin Kwankwaso da kamfanin Ɗantata kan taurin bashin kuɗaɗen haraji

Gwmanatin Kano ta rufe babban Ofishin Kamfanin Gine-gine na Ɗantata & Dawowa kan taurin bashin kudin haraji.

Kazalika Hukumar Tara Kuɗaɗen Shiga ta Jihar Kano (KIRS) ta rufe hedikwatar kamfanin jiragen sama na Max Air da kuma kamfanin shinkafa na Northern Rice a Oil Mill, kan rashin biyan haraji.

Daraktan Kula da Basuka na Hukumar, Ibrahim Abdullahi ya ce bayan samun umarnin kotu ne aka rufe kamfanonin.

Ya ce an rufe kamfanin Ɗantata & Sawoe mallakin hamshaƙin attajirin Kano, Alhaji Aminu Ɗantata ne kan bashin harajin albashi (PAYE) na shekara biyu (2021-2022) da ya kai Naira miliyan 241.

Kamfanin Max Air, mallakin Alhaji Sagiru Barau Manual babban attajirin Jihar Kastina — kuma surukin uban gidan gwamnan Kano mai ci Sanata Rabiu Musa Kwankwaso — kuma an rufe shi ne kan taurin bashin harajin shekara biyar (2017 zuwa 2022).

Jami’in ya ce an rufe kamfanonin ne bayan an yi ta rubuta musu takardu su biya kuɗaɗen ba tare da nasara ba.

Ya ce dukkansu za su ci gaba kasancewa a rufe har sai sun biya kuɗaɗen, yana mai cewa yin hakan ya zama dole domin tabbatar da ba sa ƙwarar jihar a kuɗaɗen harajinta domin samar da ayyukan cigaban al’ummar.

An dakatar da alkalai na babbar kotu a jihohin Rivers da Anambra

Hukumar Shari’a ta Ƙasa (NJC) ta dakatar da Mai Shari’a G. C. Aguma na Babbar Kotun Jihar Rivers da Mai Shari’a A. O. Nwabunike na Babbar Kotun Jihar Anambra daga gudanar da ayyukan shari’a.

An dakatar da su tsawon shekara guda ba tare da albashi ba, sannan za a sanya su a jerin wanda za a sanya ido a kansu na tsawon shekaru biyu bayan haka.

An yanke wannan hukuncin ne a taro na 107 na NJC wanda Babbar Mai Shari’a ta Najeriya, Kudirat Kekere-Ekun, ta jagoranta a ranakun 13 da 14 ga Nuwamba 2024.

Jimillar Alkalai guda biyar da ke kan aiki sun samu hukunci saboda aikata laifuka daban-daban na rashin da’a.

Hukumar ta kuma bada shawarar a tilasta wa wasu shugabannin kotuna biyu yin murabus saboda canza shekarun haihuwa.

An kai maroƙi kotu bisa zargin sace wayoyin abokan ango a wajen daurin aure

Rundunar ƴan sandan jihar Kano ta gurfanar da wani mutum mai suna Bashir Abubakar Brigade a gaban wata kotun shari’ar Musulunci da ke zamanta a Fagge ‘Yan Alluna bisa zargin laifin satar wayoyin abokan ango a yayin daurin aure.

Daily Trust ta rawaito cewa an kama Bashir ne bisa zargin satar wayoyin hannu guda biyu da kudinsu ya kai Naira dubu 125 da kuma Naira dubu 25.

Lauyan masu shigar da kara na Jiha, Barr. Zaharaddeen Mustapha, ya karanta wa wanda ake zargin laifukan da suka hada da hada baki da kuma sata.

Sai dai ya musanta zargin da ake masa, inda ya jaddada cewa shi ba barawo ba ne, maroƙi ne kawai.

Daga bisani kotu ta bada belinsa da sharadin ya kawo dan uwansa na jini da kuma takardar shaidar wani gida da ya mallaka.

Alkalin kotun, Khadi Umar Lawan Abubakar ya dage sauraron karar har zuwa ranar 25 ga watan Nuwamba domin bayar da shaida.

Gwamnan Gombe ya shirya taron tuntubar juna domin fara tsare-tsaren kasafin kudi na 2025

A jiya ne Gwamna Inuwa Yahaya na jihar Gombe ya karbi bakuncin masu ruwa da tsaki a jihar a taron tuntubar juna na shirye-shiryen kasafin kudin shekarar 2025 a wani bangare na kokarin tafiyar da ‘yan kasa wajen tsara kasafin kudi.

Da yake sanar da bude taron a makarantar koyon aikin jinya da ungozoma, gwamnan ya bayyana cewa gwamnatin sa ta fi bada fifiko wajen tabbatar da gaskiya da rikon amana, don haka ne ma ‘yan jihar suka shiga shirye-shiryen kasafin kudi domin a kawo abubuwan da suke so.

Ya jaddada muhimmancin shigar da ‘yan kasa cikin harkokin mulki, inda ya bayyana cewa bai wa al’ummar kasar baki a tsarin kasafin kudi zai samar da gaskiya da rikon amana.

Gwamnan ya bayyana nasarorin da aka samu a kasafin kudin shekarar 2024, wanda ya hada da kammala ayyuka 48 daga cikin 71 da ‘yan kasar suka zaba, wanda ke wakiltar kashi 67.61 na jimillar kudaden.

Ya yi nuni da cewa, ayyukan sun shafi fannonin samar da ababen more rayuwa, ilimi, kiwon lafiya da kuma noma.

Ya kara da cewa wasu fitattun ayyukan da aka kammala a shekarar 2024 sun hada da gina titinan Tashan Magarya zuwa fadar sarki dake garin Kumo, gyaran hanyar da ta hada garin Nafada zuwa titin Potiskum, samar da hanyoyin shiga Tumfure, samar da hasken rana a garin Gadam da sauran wurare, da sake gina sakatarorin kananan hukumomin Nafada da Kaltungo.

Gwamna Yahaya ya lura cewa saka hannun jari a bangaren ababen more rayuwa da ilimi da kiwon lafiya da kuma noma zai kafa harsashin bunkasar tattalin arziki da ci gaba mai dorewa a jihar.