Najeriya na asarar sama da dala biliyan 1 kan cutar maleriya duk shekara – Minista

Ministan lafiya na Najeriya Farfesa Muhammad Pate, ya ce arziƙin da ƙasar take asara a shekara sakamakon cutar zazzaɓin cizon sauro (maleriya) ya zarta dala biliyan 1.1.

Pate ya bayyanna hakan ne kamar yadda jaridar Punch ta ruwaito, yayin ƙaddamar da taron bayar da shawarwari da tuntuɓa kan yaƙi da cutar ta maleriya a Najeria, wanda aka yi a Abuja.

BBC Hausa ta rawaito cewa, A wata sanarwa da mataimakin darektan yaɗa labarai na ma’aikatar, Alaba Balogun, ya fitar a yau Talata, ya ce Farfesa Pate ya ce maleriya ba matsala ce ta rashin lafiya ba kaɗai ta zama matsala ga tattalin arziƙi da cigaba wadda ya kamata a ɗauki ƙwararan matakan yaƙi da ita.

Ya ce, maleriya na ci gaba da gagarumar illa a kan Najeriya, inda take da kashi 27 cikin ɗari na yawan mutanen da ke kamuwa da cutar a duniya, da kuma kashi 31 cikin ɗarin na yawan mutanen da ke mutuwa a duniya a dalilinta .

Ministan ya ƙara da cewa Najeriya ce ta fi fama da matsalar wannan cuta, inda a 2022, sama da yara ‘yan ƙasar 180,000 ‘yan ƙasa da shekara biyar suka mutu a sanadiyyar cutar – ”wanda wannan abu ne da za mu iya kauce wa.” In ji ministan.

Jihohi sun fara farfaɗo da cibiyoyin kula da lafiya matakin farko guda 17,000

Ma’aikatan kiwon lafiya a matakin farko sun samu karbuwa yayin da gwamnatin tarayya da na jihohi suka kaddamar da farfado da cibiyoyin kiwon lafiya na matakin farko (PHCs) guda 17,000 a fadin kasar nan.

Ministan lafiya da walwalar jama’a, Farfesa Ali Pate, ya bayyana haka a lokacin taron ministoci na bikin cika shekara guda da shugaban kasa Bola Tinubu yayi akan karagar mulki cewa an samu Naira biliyan 260 a matakin jiha domin farfado da cibiyoyin kiwon lafiya na matakin farko a fadin kasar nan.

Pate ya ce gwamnati ta yi shirin farfado da PHCs guda 8,300 a fadin kasar nan domin samar da cikakken aiki da kuma fadadawa da inganta PHC 17,000 cikin shekaru uku masu zuwa.

Ya bayyana cewa, za a sake farfado da PHCs ne ta hanyar tallafin kudi na IDA da kuma asusun samar da kiwon lafiya na asali BHCPF, ya kara da cewa gwamnatin tarayya na samar da ka’idoji da za su taimaka wa jihohi wajen aiwatar da ayyukan farfado da ayyukan raya kasa don tabbatar da an yi amfani da albarkatun. a hankali don manufar da aka yi niyya.

Wani bincike da jaridar LEADERSHIP ta gudanar a ranar lahadin da ta gabata ya nuna cewa an fara gudanar da aikin a wasu jihohin tarayyar kasar nan yayin da wasu kuma ba a fara tashi ba.

A jihar Gombe, kwamishinan lafiya na jihar, Dakta Habu Dahiru, ya bayyana cewa an fara farfado da hukumar PHC a jihar.

Ɓarayi sun sace injinan jan ruwa na kimanin Naira miliyan 1 da sauran kayayyaki a makarantar firamare a Kano

Wasu ɓatagari  da ba a san ko su waye ba na ta aikata sace-sace a makarantar firamare ta Yalwa Model, da ke karamar hukumar Dala a jihar Kano, inda su ka sace kayayyaki masu muhimmanci da masu tsada na miliyoyin naira.

Da ya ke bayani ga manema labarai a Kano a yau Litinin, shugaban makarantar, Malam Umar Aliyu, ya ce wannan al’amari ya faru ne a cikin kankanin lokaci tun lokacin da aka tura shi makarantar a matsayin shugaban makaranta kwanan nan.

A cewarsa, batagarin sun yi amfani da gajeruwar katangar da ke kewaye da makarantar don

Ya baiyana cewa ɓarayin sun yi awon-gaba da injinan jan ruwa guda biyu da farashin ko wanne ya kai Naira dubu 500, inda aya kara da cewa wasu ƙungiyoyin taimakon al’umma ne su ka kawo makarantar

Labarai Masu Alaka

ANZU-YANZU: Tinubu ya soke aikin gyaran hanyar Abuja, Kaduna, Zaria zuwa Kano

“Hakazalika sun haura ofishi na kuma da su ka ga babu abin da za su iya sata, sai suka cire duk wayoyin da ke ofishina suka shiga ɗakin kwamfutoci ta rufin. A nan ne suka saci kaya masu amfani.

“Sun kuma yi ƙoƙarin sace janaretan mu babba, amma saboda nauyinsa, muna tsammanin hakan ne ya sa ba su iya ɗauka ba, sai suka cire wayoyin kwayil din sa su ka ta gudu.”

Ali ya kuma koka kan rashin tsaron da ya dace a makarantar, inda ya bayyana cewa masu tsaron da ke akwai tsofaffi ne.

Ya yi kira ga gwamnatin jihar da ta ɗauki matakan gaggawa ta samar da matasa masu ƙarfin jiki don tsaron makarantar.

Gwmanatin Kano ta rufe kamfanonin Ɗantata da Mangal

Gwmanatin Kano ta rufe kamfanin jiragen sama na Max Air mallakin surukin Kwankwaso da kamfanin Ɗantata kan taurin bashin kuɗaɗen haraji

Gwmanatin Kano ta rufe babban Ofishin Kamfanin Gine-gine na Ɗantata & Dawowa kan taurin bashin kudin haraji.

Kazalika Hukumar Tara Kuɗaɗen Shiga ta Jihar Kano (KIRS) ta rufe hedikwatar kamfanin jiragen sama na Max Air da kuma kamfanin shinkafa na Northern Rice a Oil Mill, kan rashin biyan haraji.

Daraktan Kula da Basuka na Hukumar, Ibrahim Abdullahi ya ce bayan samun umarnin kotu ne aka rufe kamfanonin.

Ya ce an rufe kamfanin Ɗantata & Sawoe mallakin hamshaƙin attajirin Kano, Alhaji Aminu Ɗantata ne kan bashin harajin albashi (PAYE) na shekara biyu (2021-2022) da ya kai Naira miliyan 241.

Kamfanin Max Air, mallakin Alhaji Sagiru Barau Manual babban attajirin Jihar Kastina — kuma surukin uban gidan gwamnan Kano mai ci Sanata Rabiu Musa Kwankwaso — kuma an rufe shi ne kan taurin bashin harajin shekara biyar (2017 zuwa 2022).

Jami’in ya ce an rufe kamfanonin ne bayan an yi ta rubuta musu takardu su biya kuɗaɗen ba tare da nasara ba.

Ya ce dukkansu za su ci gaba kasancewa a rufe har sai sun biya kuɗaɗen, yana mai cewa yin hakan ya zama dole domin tabbatar da ba sa ƙwarar jihar a kuɗaɗen harajinta domin samar da ayyukan cigaban al’ummar.